SAPNE HI BuS SACHCHE HAI

This post has been seen 609 times.

Nirasha me doobe logo ke baare me suna-padha hai. Aese logo ko dekha v hai. Bs, mulakat nahi hui kyo ki inse milna mumkin nahi. Kisi ko apne kareeb aate dekh yaa to ye aur door chale jaate hai yaa ek khool-sa udh lete hai jisse ki koi unhe pehchan naa sake. Kehte hai ki ye absaad se ghire log hai.

Aakhire kyo koi khud me hi kho jata hoga?  Mann ke haanth-paao samet ker yun baith jata hoga?

 

       Kya chhin jata hai, jo jeene ka mann hi nahi krta? sapne? yakeenan, sapne hi. Kuchh kar pane ka haosla sapno me chhipa hota hai. Jis din sapne khoo jate hai us din raahe (path) bemaani ho jati hai. Raashte ki apni manzil hoti bhi kahan hai. We to raahgiro ke muhtaz hote hai. Jo chalne wala theherkar patther ban jaye, to koun-si raahen aur kahan ki manzilein

 

             Jab koi chhota-sa sapna waqt ki mitti me aankhe kholta hai, to ek nya bharosha hriya jata hai kuchh jeet lene ke irade se mann bhar-bhar aata hai. Jeevan ki raah per uthne wale har kadam ki uchhal me sapno ka dum hai. Jab sapne murjhate hai, to mann banjar hone lagta hai.

 

            Reeti (unfilled) aankhe, soone mann jahan bhi dekhe, sapno ki kyariyan taiyar karwane ka haosla de. Shart (condition) ye hai ki mann ki mitti khud palatni hogi.

             Aur ek baat ye ki sapne bade jaroori hote hai. Jeene ka maksad (aim) aur aatmviswaas (self confidence) ka aadhar. Isliye jab koi kisi ko girana yaa hrana chahta hai, to uske sapne khareed leta hai. Bade unche daamo me bikte hai sapne. Aur jo sapne beech (sell) deta hai, uski raahen nichi aur nichi hoti jaati hai. Wo apni haar khud likh leta hai. Bharosha, saakh, sab kuchh khoo baithta hai.

           Dua kijiye, ki sabki aankho me har maousam ek naa ek sapna palta rhe. Aur uski kadra (importance) v bni rhe.

Comments

comments

You might also like More from author

Show Buttons
Hide Buttons