BeParwah

This post has been seen 863 times.

Sadak behad vyast (busy) samay ka saamna kar rhi thi.  Waahno ( Vehicles) ki anant ktaare kabhi sarpat chalti, to kabhi rengne lagti.  Aese haalat me sayad hi koi paidal sadak paar karne ki gustakhi kare.  Tabhi sadak kinaare lage ek pedh (tree) ki us daali se, jo takriban sadak par jhuki hui thi, ek patta (leaf) toot kar girta dekha.  ek pal ko lga, use thaam le, waahno ki katar ki jad me aaya to……..????

 

Agle hi pal Nigaah uski Be-khoof udaan par gayi.  sookhe patte ko kiska dar aur kesa khoof !  Apni daal par kopal-sa phoota, hriyaya aur khoob lahraya. sadak ki dhool, waahno ka shoor, duniya ke har pal badhte khatro se Be-Parwah.  Use kya parwah ki jug (world) uski kadra kare yaa naa kare.  Wah daal par hi shookha aur use vida (goodbyee) keh, beh chala hawa me.

 

Unki aakhiri udaan kahan khatam hogi, iss aashanka se kitne aazad hote hai patte.  Jab daal par hote hai, tab bhi judhe-judhe se khilkhilate dikhte hai.  Aur jab daal se juda hote hai, tab hawa ke gudgudaye jaane par  ek-doosre ke pichhe bhaagte nazar aate hai.

 

Jab tak Pedho (trees) par rahe, to saya kehlaye. sookhe, bichhode to bichhona ban gye.  Kitna upyogi, saarthak jivan hai patto ka.  Naa mousam ka dar, naa badlav (changing) ki chinta.

 

Bas, ek bharoosha ho jaise.  jivan chakra par.  unhe pta hai, naa bahar ki ronak ki thasak mustkil rahegi, naa khinja ka afsoos.  Daal hai, to paat firr aayenge.

 

Patjhadh (Autumn) bhi bitega| Bahar firr aayegi

Comments

comments

You might also like More from author

Show Buttons
Hide Buttons