Pyaar ka Pedh (Tree of Love)

This post has been seen 1020 times.

Jinke Anngan me, bagiche me pedh hota hai, ya kabhi tha, kebal wahi jaante hai ki iski niwaah ka ek kayeda hota hai. Aapki duniya me ek aur seh ki ankahi, pakki hissedari hoti hai. Pedh  ho, to sab badal jata hai. Subahe khamosh nahi reh sakti. Parinde inhe gulzaar bna dete hai.

 

Naa maloom kab pedh ke neeche daane bikherne ki aadat padh jati hai aur pani ka sakora (bowl)  chhaya me apni jagah bna leta hai. Iska saaya kisi mousam me aaram deta hai aur kabhi lagta hai isse kahe ki kuchh der ko apni aankhe samet lein.

Pedh ke neeche ek alag hi duniya bna deta hai pedh. Sookhe patte girata hi rehta hai. Panchi bhi kahan peeche rehte hai apni nisaaniyan chhodne me. Din me ek baar to apni seva karwa hi lete hai. Phirr is par banne wale basero aur naye rehbasiyon ki chinta.

Zindgi ko samjhna ho to ek pedh ko apni duniya me shamil kar dekhiye. iske aas-paas se sookhe patte htakar zameen saaf karte huye har baar aapko ahsaas hoga ki “beete huye ko bhoolna” kese hai. Har subah taza suruaat ka sangeet lekar aayegi. Jab aap daane lekaar iski chhaya tale jaayenge, intzaar me baithe panchhi aapko aapke farz yaad dila denge

         Patto me se aati jhilmilati dhoop ahsaas kra degi ki saaya hai, to roshni bhi hai, sard hai, to gunguni bhi hai zindgi.

Comments

comments

You might also like More from author

Show Buttons
Hide Buttons