phoolon ki zindgi

This post has been seen 1762 times.

Badi koshish ki thi ek phool ki tasveer kheechne ki. naa rang wese chatakh aaye, naa roop hi pakad me aaya. phoolon ki pradarshni ho yaa ghaati, jo nazar dekh paati hai, wo tasveerein darz nahi kar pati. phoolon ki baat hi aesi hai.

Chhoti-si zindgi hoti hai ink.| lekin itni saarthak ki doosri mishaal nahi doondi jaa sakti. chahe daal par jhoome yaa gale ka haar, phoolon saa astitv kisi aur ka nahi ho sakta.

Ek to inki avhelna (burai) naa-mumkin hai, doosre jiski nigaah pakad le, to use bina lubhaah bhi nahi chhodte. rang aur roop bhi itna saloona hota hai ki laakhsamjhdaar insaan ho, inhe daal se alag karne ki ikchha ko ek baargi to mehshosh kar hi leta hai.

  Ek taza khila gulaab haanth me aa jaye, to dhaara prawah bolta insaan bhi chup ho jayega. Mehekti madhu-kamini naap-tuol kar jeene bale insaan ko bhi pal-bhar me gehri saans lene par majboor kar degi. moogre ki ladiyan to heere-mooti se jyada lubhati hai mann ko.

Taajgi ki ye sougaat ratno se jyada keemti hai. Narmi, taajgi, khushboo aur rang ka aesa mel aur kahan. phoolon jesi lachili tabiyat ka hona bhi naa-mumkin hai. pankhudi aur paraag par gour kijiyega, to lagega kya alag bnaya hai vidhata ne. kuchh pankhudiyan bareek kar di, kuchh goonth di, kuchh ko halka saa phaila diya, bas?  ji, bas, lekin do phoolon me zara saamya dhoondh kar btaiye

Phool kehte bhi hai, isliye tohfe (gifts) bhi bante hai. Duayien dete hai, isliye mala me bune jaate hai. blayein lete hai, isliye sehre me sajte hai. roop nikhaar dete hai, isliye alankaran (sajawat/decoration) bante hai.

Ye kisi ka kuchh nahi bigadte. Kebal sanwarna jante hai. kitna kuchh sikhate hai phool. koi inhe guru bna le.

Comments

comments

You might also like More from author

Show Buttons
Hide Buttons