Aloe Vera Ke Beauty Benefits

This post has been seen 613 times.

Aloe vera nature ka gift hai, jo beauty ko nikharne me important role ada karta hai. Chehre ki skin ke dead cells ko hatane me bhi aloe vera helpful hota hai. Isko kai prakar se sundarta ko badhane  aur nikharne me istemal kiya jata hai. Abhi tak aapne iske health benefits ke bare me jana hoga, lekin ab ap isko apni sundarta ko badhane ke liye kis tarah se istemal kar sakte hai, iske bare me janenge. Hum apko bata rahe hai aloe vera ke beauty benefits.

Aloe Vera Sundarta Labh (Beauty Benefits of Aloe Vera in Hindi)

Sensitrive Skin Ke Liye

Jinki skin sensitive hai unko aloe vera ka is tarah se face pack banakar istemal karna chahiye-

  • 1 chammach khira ka ras (cucumber juice)
  • 1 chammach gulab rose (rose water)
  • 1 chammach aloe vera gel.

In sabhi ko apas me milakar paste bana le aur is paste ko gardan aur chehre par lagakar 15 se 20 minute tak ke chhod de. Baad me chehra saaf pani se dho le. Kuch hi der me ap chehre par fark mahsus kar sakenge.

Normal Skin Ke Liye

  • 1 chammach gulab jal (rose water)
  • 1 chammach dahi (yogurt)
  • 1 chammach santre ke chhilke (orange peels) ka powder
  • 1 chammach aloe vera gel

I sabhi ko milaye aur paste banaye. Ab hafte me is paste ko 2 se 3 baar istemal kare, apki skin khil uthegi.

Chehre Par Glow Lane Ke Liye

Sundar aur komal skin ke sath chehre par glow lane ka bhi kaam karta hai aloe vera. Iske gel me thoda sa shahad (honey) aur thoda nimbu ka ras (lemon juice) mila le aur chehre par hafte me kam se kam 5 baar lagaye. Yah har tarah ki skin ke liye faydemand hai.

Jhurriyo Ke Liye

Rojana aloe vera ko chehre par lagane se chehre par jhurriyo nahi padti hai. Yah chehre par kasaav lata hai.

Balo Ke Liye

Apke balo ke liye bhi yah behad faydemand hai. Iske gel ko balo me lagaye aur 1 ghante ke baad fresh water se dho le. Is upay ko karne se balo me chamak ati hai aur baal girne ya jhadne band ho jate hai.

Comments

comments

You might also like More from author

Show Buttons
Hide Buttons