GunGuna saa Preet Raag

This post has been seen 610 times.

Preet Agar sachchi ho to, uska rang bahut gehra aur jade(roots) bahut majboot hoti hai. Maano koi naata chand (few) saal, kuchh din yaa kabhi chand lamho me naa bna ho, balki ek poori zindgi ki baat ho. Iska har pehlu ek mukammal kissa ho jese, jiski naa suruaat yaad ho, naa ant (end). Ek musalsal(continuous)  chalti dastaan ho jese. iske aagaz (start) ko chhupa bhi jaye, lekin anjaam ka ikraar koi ni karta. Lagav kabhi khatm (finish) bhi to ni hota.

                     Jab baat preet ki ho, to thoda kehna bhi bahut ho jata hai. Dibiya me khusboo ki tarah, mutthi (closed hand) me dhoop ki tarah chhupate firte hai log ise. Bs thoda sa hi batayenge, kehte hai aur haanth aange ker dete hai. Kya chhupa sakte hai preet ko, Dhoop ko, Mehak ko.

 

                         So bahut pehle hi bahut kuchh keh jati hai preet ki zubaan, aur bahut baad tak ka andaaza bhi de jati hai. chhoti-chhoti kahaniyo ki tarah, jo suru hoti hai, to apna ek sira(end) thama (hold) deti hai. Aur jahan rukti hai, wahan se aage jaane ka silsila bta jati hai. Apne aap me kitni aadhori, lekin kitni bhari-poori si lagti hai chhoti si kahaniyan . Kehne wala zara-si keh kar khush ki bahut kuch kehne se bacha liya. Aur padhne -sunne wala zara me poora samjh kar, aage-pichhe ke kisse gadh (prediction) lene ki kalpna karne me khush.

                              Jese hote hai preet ke kisse ,wese hi inn se jude(connected) log

Dhoop ke inn nanhe katron ki gungunahat haantho se mehsoos kijiye. Kuchh ankaha (untold) sa mann me gunjega. Seep ki tarah kaan pr rakh lijiye, Gehre samunder ki lehro ki dhun jaltarang si lagegi

 

MUKHTASAR SA LAGTA HAI, LEKIN BADA TABEEL, PREET RAAG

Comments

comments

You might also like More from author

Show Buttons
Hide Buttons