Sardiyon Ki Dhoop

This post has been seen 1423 times.

Sardiyon  ki subah rajaiyon me dubakne aur garm chai(tea) ki pyaliyon ke naam karna aam hai. Lekin subah-subah kohre me lipti duniya ko dekhna ek alag tarah ka anubhav hai. Dheeme se ugta suraj apni kirno ko jab kohre ke paas bhejta hai, to lagta hai jaise kudrati parde ko htane ki kosis kar rha ho. Dubli (thin), patli si dhoop pedh(tree) ki pattiyon (leaves)  ko paar krti hui aati hai. Kuchh hi der me kohra apne bistre samet kar rbana  hota hai. Aur dhoop aangno ki seema chhu kar vijayi andaaz me phail jaati hai. Pattiyon aur phoolon ko garmahat milti hai to inki oos (dew) ki boondo ki aankhe chamakne lagti hai.

                    Chidiyon (birds) ke jatthe (groups) khidkiyon chhato pr dhoop sekne jma hone lagte hai. Nazaron, aawazo aur ahsaaso ka aesa waqt saal ke kebal isi hisse me dekhne ko milta hai.  thithurte aap, kanpta aalam aur maare saardi ke nikalti chhoti chhoti khusiyon bhari chikhe is anubhav ko apni se chhuan de jati hai. Aur jo aap nadi (river) kinare yaa pahadi (hills) ilake me rene wale khush-naseeb hai, to tazurbo ka silsila kebal suraj ke ufkh (top) tak aane tak nahi rukega, shaam tak jaari rahega.

                         Mausam hmare darwazo tak aate hai hume  apna ahsaas dene. Hum inki dastak ko rajaiyon ki teh tale (under) ansuna kyo kare?

 

Aaiye Darwaze Khoole | Mann ke Sard koono me Dhoop ko garmahat  Laane de

Comments

comments

You might also like More from author

Show Buttons
Hide Buttons